#ఆర్ఆర్ఆర్ కోసం 18 కోట్ల సెట్

ఎన్టీఆర్, రామ్ చరణ్ కథానాయకులుగా దర్శకధీరుడు రాజమౌళి తెరకెక్కిస్తున్న మల్టీస్టారర్ ఆర్ఆర్ఆర్. ఈ చిత్రంలో తారక్ కొమరం భీమ్ గా, ఆయనకి జోడీగా హాలీవుడ్ హీరోయిన్ ఓలివియా మోరీస్ నటిస్తున్నారు. రామ్ చరణ్ అల్లూరి సీతారామరాజుగా, ఆయనకి జోడీగా బాలీవుడ్ బ్యూటీ అలియా భట్ నటిస్తున్నారు. అలిసన్ డూడి, రే స్టీవెన్ సన్, సముద్రఖని కీలక పాత్రల్లో నటిస్తున్నారు. దాదాపు రూ. 400కోట్ల బడ్జెట్ తో డివివి దానయ్య నిర్మిస్తున్నారు.

కరోనా లాక్ డౌన్  తో షూటింగ్స్ బంద్ అయ్యాయ్. అయితే ప్రభుత్వం నుంచి షూటింగ్ లకి అనుమతి వచ్చిన తర్వాత మొదట సెట్స్ మీదకు వెళ్లే సినిమా ఆర్ ఆర్ ఆర్ అని తెలుస్తోంది. ప్రస్తుతం ఈ సినిమా కోసం కాస్టలీ సెట్ వేస్తున్నారని తెలుస్తోంది. ఏకంగా రూ. 18కోట్లతో సెట్ వేస్తున్నారట. ఇందులో కీలక సన్నివేశాలు తీయబోతున్నట్టు తెలుస్తోంది. ఇక వచ్చే యేడాది జనవరి 8న ప్రేక్షకుల ముందుకు రావాల్సిన ఆర్ ఆర్ ఆర్ కరోనా ఎఫెక్ట్ తో మరోసారి వాయిదా పడే అవకాశాలున్నాయని చెబుతున్నారు.