తాప్సీకి శుభవార్త

సొట్టబుగ్గల సుందరి తాప్సీకి బాలీవుడ్ గుడ్ న్యూస్ చెప్పింది. 2019లో బాలీవుడ్‌లో అత్యధిక వసూళ్లు రాబట్టిన నటిగా తాప్సి నిలిచారు. 2019లో తాపె నటించిన ‘బద్లా’, ‘గేమ్‌ ఓవర్‌’తోపాటు మరో మూడు చిత్రాలు విడుదలై.. మంచి టాక్‌ అందుకున్నాయి. కాగా ఇవన్నీ రూ.352.13 కోట్లు రాబట్టినట్లు విశ్లేషకులు పేర్కొన్నారు. దీనిపై తాప్సీ ఆనందం వ్యక్తం చేసింది. ‘హో నైస్‌.. ఇలా జరుగుతుందని ఊహించలేదు. ఈ క్వారంటైన్‌లో ఓ శుభవార్తగా దీన్ని పరిగణించి.. నా ప్రయాణాన్ని వెనక్కి తిరిగి చూసుకుని సెలబ్రేట్‌ చేసుకోవచ్చు’ అని ఆనందం వ్యక్తం చేశారు.

2015లో ‘బేబీ’ సినిమా తర్వాత తాప్సికి హిందీలోనూ గుర్తింపు లభించింది. ఆపై అక్కడే వరుస విజయాలు అందుకున్నారు. ఇక 2019లో తాప్సీ హవా చూపించింది. ఏకంగా ఆమె నటించిన ఐదు సినిమాలు రిలీజ్ అయ్యాయ్. ఆ ఒక్క యేడాదిలోనే తాప్సీ  నటించిన సినిమాలు రూ.352.13 కోట్లు రాబట్టాయి. తాప్సీ నటించిన చిత్రాల్లో.. ‘బద్లా’ రూ.88 కోట్లు (మార్చి 8 2019), ‘గేమ్‌ ఓవర్‌’ రూ.4.69 కోట్లు (జూన్‌ 14 2019- కేవలం హిందీలో), ‘మిషన్‌ మంగళ్‌’ రూ.202.98 కోట్లు (ఆగస్టు 15 2019), ‘సాండ్‌కీ ఆంఖ్‌’ రూ.23.40 కోట్లు (అక్టోబరు 25 2010), ‘థప్పడ్‌’ రూ.33.06 కోట్లు (ఫిబ్రవరి 28 2020) రాబట్టాయి.