షాహిద్ అఫ్రిదికి కరోనా పాజిటివ్
కరోనా మహమ్మారి సామాన్యుడు, సెలబ్రిటీ అనే తేడానే లేదు. ఎవరికైనా సోకుతుంది. తాజాగా పాకిస్థాన్‌ ప్రముఖ క్రికెటర్‌, మాజీ సారథి షాహిద్ అఫ్రిది కరోనా వైరస్ బారిన పడ్డాడు. ఈ విషయాన్ని ఆయనే స్వయంగా ట్విటర్‌లో వెల్లడించాడు.
‘గురువారం నుంచి తనకు అసౌకర్యంగా ఉంది. ఈ క్రమంలోనే తన శరీరంలో నొప్పులు మొదలయ్యాయ్, కరోనా పరీక్షలు చేయించుకోగా దురదృష్టవశాత్తూ పాజిటివ్ వచ్చింది’ అని ట్విట్ చేశాడు. అంతేకాదు.. తాను త్వరగా కోలుకోవాలని అభిమానులను ప్రార్థనలు చేయమని విజ్ఞప్తి చేశాడు. కొద్దిరోజుల క్రితం పాక్ మాజీ ఓపెనర్‌ తాఫిక్‌ ఉమర్‌ కూడా కరోనా బారినపడిన సంగతి తెలిసిందే.
