షూటింగ్స్ మొదలయ్యాయోచ్ !

కరోనా లాక్‌డౌన్ సినిమా షూటింగ్స్, థియేటర్స్ బంద్ అయ్యాయ్. దాదాపు రెండు, మూడు నెలల నుంచి ఎలాంటి షూటింగ్స్ జరగలేదు. దీంతో టీవీ సీరియల్స్ పాత ఏపీసోడ్స్ నే ప్రసారం చేస్తున్నారు. అయితే తెలంగాణ ప్రభుత్వం షూటింగ్స్ అనుమతినిచ్చిన నేపథ్యంలో టీవీ సీరియల్స్ మొదలయ్యాయ్. తాజాగా హైదరాబాద్‌లోని రామోజీ ఫిల్మ్ సిటీలో ఓ ఛానెల్‌లో ప్రసారం అయ్యే ‘సీతమ్మ వాకిట్లో సిరిమల్లె చెట్టు’ అనే సీరియల్ షూటింగ్ మొదలు పెట్టారు.

తెలంగాణ ప్రభుత్వం విడుదల చేసిన గైడ్ లైన్స్ ని పాటిస్తూ.. షూటింగ్ నిర్వహించారు. పక్కనే ఆంబులెన్స్, శానిటైజర్, కేవలం తక్కువ మంది మాత్రమే నటీనటులు, సామాజిక దూరం ఇలా అన్నీ పాటిస్తూ తమ సీరియల్ షూట్ చేసామని దర్శక నిర్మాతలు చెప్తున్నారు. అలాగే లొకేషన్‌లోకి వచ్చే సిబ్బంది ఒక డిస్ఇన్ఫెక్షన్ టన్నెల్ నుంచి నడిచి వెళ్లేలా ఏర్పాటు చేశారు. కేవలం 20-30 మంది తోనే రోజంతా షూటింగ్ జరిపారని తెలిసింది.