ఏపీలో రికార్డ్ స్థాయిలో కరోనా కేసులు

తెలుగు రాష్ట్రాల్లో కరోనా విజృంభణ  కొనసాగుతూనే ఉంది. ప్రతిరోజూ నమోదయ్యే కేసులు కొత్త రికార్డులని సృష్టిస్తున్నాయి. ఆదివారం ఒక్కరోజే తెలంగాణలో 237 కొత్త కేసులు నమోదు కాగా, ముగ్గురు మృతి చెందారు. ఇక ఏపీలో ఆదివారం కరోనా కేసులు రికార్డ్ స్థాయిలో నమోదవ్వడం ఆందోళన కలిగిస్తోంది.

గడిచిన 24 గంటల్లో ఏపీలో 304 పాజిటివ్‌ కేసులు నమోదైనట్లు వైద్య,ఆరోగ్య శాఖ తాజా బులెటిన్‌లో వెల్లడించింది. ఒక్క రోజులో ఇన్ని కేసులు నమోదుకావడం రాష్ట్రంలో ఇదే తొలిసారి. తాజాగా నమోదైన కేసులతో రాష్ట్రంలో మొత్తం కేసుల సంఖ్య 6456కి చేరింది. గడిచిన 24 గంటల్లో కరోనాతో ఇద్దరి మృతి చెందారు. కర్నూలులో ఒకరు, అనంతపురంలో మరొకరు మృతి చెందారు. దీంతో రాష్ట్రంలో కరోనా మృతుల సంఖ్య 86కి చేరింది.