సుశాంత్ బ్యాటింగ్’పై సచిన్ ప్రశంసలు

బాలీవుడ్‌ యువ నటుడు సుశాంత్‌సింగ్‌ రాజ్‌పుత్‌ ఆత్మహత్య యావత్‌ దేశాన్ని విస్మయానికి గురిచేసింది. సినీ, క్రీడా ప్రముఖులు సుశాంత్ మరణాన్ని జీర్ణించుకోలేకపోతున్నారు. ఆయన ఆత్మకు శాంతి చేకూరాలని ప్రార్థిస్తున్నారు. ఈ సందర్భంగా ఆయనతో ఉన్న అనుబంధాన్ని పంచుకుంటున్నారు.

ధోనీ బయోపిక్‌ కోసం సుశాంత్‌.. కిరణ్‌మోరే వద్ద శిక్షణ తీసుకున్న విషయం తెలిసిందే. తాజాగా మోరే ఓ మీడియాతో మాట్లాడుతూ… అతని గురించి లిటిల్‌ మాస్టర్‌ ఏమన్నాడో చెప్పారు. బాంద్రా బీకేసీ స్టేడియంలో సుశాంత్ హెలికాఫ్టర్‌ షాట్‌ను సాధన చేస్తున్నాడు. అప్పుడు అక్కడికి వచ్చిన సచిన్‌ గ్యాలరీ నుంచే సుశాంత్‌ బ్యాటింగ్‌ను గమనించి ఆశ్చర్యపోయాడు. ప్రాక్టీస్‌ అనంతరం నేను లిటిల్‌ మాస్టర్‌ వద్దకు వెళ్లగానే.. ”ఎవరా అబ్బాయి, చాలా బాగా బ్యాటింగ్‌ చేస్తున్నాడు?” అని అడిగాడు. అతను ధోనీ బయోపిక్‌లో నటిస్తున్న సుశాంత్‌ అని చెప్పాను. తెందూల్కర్‌ వెంటనే ”అతను కావాలంటే ప్రొఫెషనల్‌ క్రికెట్‌ ఆడగలడు. అంత బాగా ఆడుతున్నాడు” అని చెప్పాడని మోరీ వివరించారు. ఆ తర్వాత ధోని బయోపిక్ లో సుశాంత్ నటించింది. అది బ్లాక్ బస్టర్ హిట్టవ్వడం. సుశాంత్ కి మంచి పేరుని తీసుకొచ్చిన సంగతి తెలిసిందే.