దేశంలో 15,968 కరోనా కొత్త కేసులు

దేశంలో కరోనా విజృంభణ కొనసాగుతోంది. ప్రతిరోజూ నమోదవుతున్న కొత్త కేసుల సంఖ్య భారీగా పెరుగుతున్నాయి. మంగళవారం ఒక్కరోజే దాదాపు 16వేల (15,968) కొత్త కేసులు నమోదయ్యాయ్. 465 మరణాలు నమోదయ్యాయి. ఇప్పటి వరకు దేశంలో ఒక్క రోజులో నమోదైన కేసుల్లో ఇదే అత్యధికం. దీంతో దేశంలో మొత్తం కేసుల సంఖ్య 4,56,183కి చేరింది.

ఇప్పటివరకు కరోనా బారిన పడిన వారిలో 2,58,685మంది కోలుకొని డిశ్చార్జి కాగా.. వైరస్‌తో పోరాడి 14,476 మంది మృత్యువాతపడ్డారు. ప్రస్తుతం 1,83,022 మంది చికిత్సపొందుతున్నారు. కరోనా కాటుకు ప్రజాప్రతినిధులు సైతం బలవుతునారు. తృణమూల్‌ కాంగ్రెస్‌ ఎమ్మెల్యే తమోనష్‌ ఘోష్‌ (60) కరోనాతో ఈ ఉదయం మృతి చెందారు.