హిరణ్యకశ్యప ప్రీ ప్రొడక్షన్‌ పనులు పూర్తి
గుణశేఖర్ దర్శకత్వంలో రానా దగ్గుబాటి ప్రధాన పాత్రలో ‘హిరణ్యకశ్యప’ ప్రాజెక్ట్ ఓకే అయిన సంగతి తెలిసిందే. గత మూడేళ్ల నుంచి ఈ సినిమా ప్రీ పొడక్షన్ పనులు జరుగుతున్నాయి. గత యేడాది ఈ సినిమాపై గుణశేఖర్ అధికారిక ప్రకటన చేశారు. త్వరలొనే పూర్తి వివరాలు చెబుతామన్నారు. ఆ తర్వాత కామ్ అయిపోయారు. దీంతో ఈ ప్రాజెక్ట్ క్యాన్సిల్ అయిందేమో అనే ప్రచారం జరుగుతోంది.
తాజాగా హిరణ్యకశ్యప పై లెటెస్ట్ అప్ డేట్ ఇచ్చారు గుణశేఖర్. ”హిరణ్యకశ్యప’ ప్రీ ప్రొడక్షన్‌ పనులు పూర్తయ్యాయి. పరిస్థితులు చక్కబడితే సినిమాను ముందుకు తీసుకెళ్లేందుకు ఎదురుచూస్తున్నా’ అంటూ ఓం నమో నారాయణాయ హ్యాష్‌ట్యాగ్‌ను జత చేశారు.
ప్రముఖ నిర్మాణ సంస్థ సురేశ్‌ ప్రొడక్షన్స్‌ భారీ బడ్జెట్‌తో ఈ సినిమాను నిర్మించేందుకు సన్నాహాలు చేస్తోంది. ఇది భక్త ప్రహ్లాద కథే అయినప్పటికీ సినిమాను హిరణ్యకశ్యపుడి కోణంలో తెరకెక్కించబోతున్నట్ల గుణశేఖర్ ఇప్పటికే ఓ సందర్భంలో చెప్పారు.
#Hiranyakashyapa Pre-Production work is completely done. Awaiting normalcy to take things forward. #OmNamoNarayanaya
— Gunasekhar (@Gunasekhar1) June 23, 2020
