ఎమ్మెల్యే రోజాలో కరోనా కలవరం

తెలుగు రాష్ట్రల్లో పలువురు ప్రజా ప్రతినిధులు, వారి వ్యతిగత సిబ్బంది కరోనా బారినపడుతున్న సంగతి తెలిసిందే. తాజాగా ఏపీఐఐసీ ఛైర్‌పర్సన్, నగరి ఎమ్మెల్యే రోజా గన్‌మెన్‌ కూడా కరోనా బారినపడ్డారు. ఆయన్ని తిరుపతిలోని స్విమ్స్ తరలించి చికిత్స అందిస్తున్నారు. గన్ మెన్ కు కరోనా పాజిటివ్ రావడంతో.. ఎమ్మెల్యే రోజాలోనూ కరోనా కలవరం మొదలైందని చెప్పుకొంటున్నారు.

ఇటీవల రోజా పలు కార్యక్రమాల్లో పాల్గొన్నారు. ఈ సందర్భంగా ఆమె మాస్క్ కూడా ధరించలేదని కార్యకర్తలు గుర్తు చేసుకుంటున్నారు. అయితే, కలవరపడాల్సిన పనేం లేదు. కరోనా బారినపడిన ఎమ్మెల్యే రోజా గన్ మెన్ గత 18రోజులుగా డ్యూటీకి రాలేదని తెలిసింది. ఈ నేపథ్యంలోనే ఎమ్మెల్యే రోజా అభిమానులు, వైసీపీ కార్యకర్తలు ఆందోళన చెందాల్సిన పనిలేదని చెబుతున్నారు.