అందుకే పుష్ప నుంచి తప్పుకున్నా : విజయ్ సేతుపతి
అల్లు అర్జున్-సుకుమార్’ల హ్యాట్రిక్ చిత్రం ‘పుష్ప’. ఈ సినిమాలో విలన్ పాత్ర కోసం కోలీవుడ్ స్టార్ విజయ్ సేతుపతిని తీసుకున్నారు. అయితే ఆయన సినిమా నుంచి తప్పుకొన్నట్టు కొన్నాళ్లుగా ప్రచారం జరుగుతోంది. ఎందుకు తప్పుకున్నారు ? అనే దానిపై రకరకాల ప్రచారం జరుగుతోంది. ‘పుష్ప’ తమిళ్ లో రిలీజ్ అవ్వడం విజయ్ కి ఇష్టం లేదు. ఎందుకంటే ? తమిళ్ లో హీరోగా మాత్రమే కనిపించాలనే విజయ్ నిబంధన పెట్టుకున్నారు. పుష్ప పాన్ ఇండియా సినిమాగా టర్న్ తీసుకోవడంతో ఆయన సైడ్ పోయారనే ప్రచారం ఉంది. ఇదీగాక, విజయ్ భారీ రెమ్యూనరేషన్ డిమాండ్ చేశారనే ప్రచారం జరుగుతోంది.
ఈ నేపథ్యంలో పుష్ప సినిమా నుంచి తప్పుకోవడం విజయ్ సేతుపతి ట్విట్టర్ వేదికగా క్లారిటీ ఇచ్చారు. తనకి పుష్ప కథ బాగా నచ్చేసింది. ఆఖరు వరకు పుష్పలో నటించడానికి ప్రయత్నించాను. కానీ వరుస సినిమాలని ఒప్పుకోవడం వలన డేట్స్ అడ్జెస్ట్ కావడం లేదు. అందుకే పుష్ప సినిమా నుంచి తప్పుకుంటున్నానని విజయ్ క్లారిటీ ఇచ్చారు. అయితే భవిష్యత్ లో సుకుమార్ సినిమాలో కచ్చితంగా నటిస్తానని ఆశాభావం వ్యక్తం చేశారు. ఇక విజయ్ స్థానంలో కన్నడ నటుడు ధనుష్, బాబీ సింహా పేర్లు వినిపిస్తున్నాయి.
