సాక్షిలో కొత్త ముచ్చట చెబుతా : బిత్తిరి సత్తి

బిత్తిరి సత్తి కొత్త ఛానెల్ లో కొత్త ముచ్చట చెప్పేందుకు రెడీ అయ్యారు. తీన్మార్ వార్తల్లతో బిత్తిరి సత్తి ఫేమస్ అయిన సంగతి తెలిసిందే. ఆ తర్వాత ఆయన టీవీ9కి మారాడు. ‘ఇస్మార్ట్ న్యూస్’ అంటూ వి6లో చెప్పే తీన్మార్ ముచ్చట్లే ఇక్కడ చెప్పేవారు. అయితే గత కొద్దిరోజులుగా బిత్తిరి సత్తి టీవీ9లో కనిపించడం లేదు. ఆయన టీవీ9 నుంచి బయటికొచ్చేశారు.

తాజాగా విషయాన్ని స్వయంగా బిత్తిరి సత్తినే చెప్పారు. అంతేకాదు.. సాక్షి టీవీలో జాయిన్ అయ్యా. సాక్షిలో కొత్త ముచ్చట్లు చెబుతా. ఫుల్లుగా నవిస్తానని తెలిపాడు. ఈ మేరకు తన ఫేస్ బుక్ ఖాతాలో ఓ వీడియోని షేర్ చేశాడు సత్తి. టీవీ 9లో ఎందుకు మానేశా అనే దానికి బిత్తిరి సత్తి ఎలాంటి కారణం చెప్పలేదు. అయితే సాక్షి టీవీ వారు మాత్రం బాగా రిసీవ్ చేసుకున్నారు. మంచి ప్రాధాన్యతనిచ్చారని తెలిపారు. త్వరలోనే సాక్షి టీవీలో కనిపిస్తా. కొత్త ముచ్చట చెబుతా. ఫుల్లుగా నవ్విస్తానని తెలిపారు.