ఏపీలో రికార్డ్ స్థాయిలో కరోనా కొత్త కేసులు

ఏపీలో కరోనా వేగంగా విజృంభిస్తోంది. గడిచిన 24 గంటల్లో 4వేల చేరువగా కొత్త కేసులు నమోదయ్యాయ్. 3963 కొత్త కేసులు వచ్చాయ్. వీటిలో ఒక్క తూర్పు గోదావరి జిల్లాలోని 994 కేసులు నమోదయ్యాయ్. దీంతో గోదావరి జిల్లాల్లో 24గంటల కర్ప్యూ విధిస్తున్నట్టు కలెక్టర్ ప్రకటించారు. కొత్తగా కరోనాతో 52 మంది మృతి చెందారు.

వీరిలో తూర్పుగోదావరిలో 12 మంది, గుంటూరులో 8 మంది, కృష్ణాలో 8 మంది, అనంతపురంలో ఏడుగురు, ప్రకాశంలో నలుగురు, పశ్చిమగోదావరిలో ఐదుగురు, నెల్లూరులో ముగ్గురు, విశాఖలో ఇద్దరు, చిత్తూరులో ఒకరు, కడపలో ఒకరు, విజయనగరానికి చెందినవారు ఒకరు ఉన్నారు. ఇక రాష్ట్రంలో మొత్తం కరోనా కేసుల సంఖ్య 44,609కి చేరింది. వివిధ ఆస్పత్రులు, క్వారంటైన్‌ కేంద్రాల్లో 22,260 మంది చికిత్స పొందుతుండగా.. 21,763 మంది కరోనా నుంచి కోలుకొని డిశ్చార్జి అయ్యారు.