30వేలు దాటిన కరోనా మరణాలు

దేశంలో కరోనా విజృంభణ కొనసాగుతూనే ఉంది. కరోనా మృతుల సంఖ్య రోజురోజూకి పెరుగుతున్నాయి.  గడిచిన 24గంటల్లో దేశవ్యాప్తంగా 740 మంది మృత్యువాతపడ్డారు. దీంతో దేశంలో కొవిడ్‌ మరణాల సంఖ్య 30,601కు చేరినట్లు కేంద్ర ఆరోగ్యశాఖ వెల్లడించింది.

నిన్న ఒక్కరోజే అత్యధికంగా 49,310 పాజిటివ్‌ కేసులు బయటపడ్డాయి. దీంతో దేశంలో కరోనా కేసుల సంఖ్య 12,87,945 కు చేరింది. కేవలం రెండు రోజుల్లోనే దేశవ్యాప్తంగా 95వేల కేసులు నమోదయ్యాయి. కరోనా బాధితుల రికవరీ రేటు క్రమంగా పెరుగుతుండటం ఊరటనిచ్చే అంశం.  నిన్న ఒక్కరోజే దాదాపు 34,600 మంది కోలుకొని డిశ్చార్జి అయినట్లు కేంద్ర ప్రభుత్వం తెలిపింది. దేశవ్యాప్తంగా ఇప్పటివరకు 8,17,209 మంది కోలుకోగా మరో 4,40,135 క్రియాశీల కేసులు ఉన్నాయి. ప్రస్తుతం భారత్‌లో కరోనా రికవరీ రేటు 63.18శాతంగా ఉండగా, మరణాల రేటు 2.41శాతంగా ఉంది.