గుంజన్‌ సక్సేనా ట్రైలర్ టాక్
బాలీవుడ్ యంగ్ హీరోయిని జాన్వీకపూర్‌ కీలక పాత్రలో నటించిన చిత్రం ‘గుంజన్‌ సక్సేనా: ది కార్గిల్‌ గర్ల్‌’. ఇండియన్‌ ఎయిర్‌ఫోర్స్‌ తొలి మహిళా పైలెట్‌ గుంజన్‌ సక్సేనా జీవిత కథ ఆధారంగా తెరకెక్కుతోంది. శరణ్‌ శర్మ దర్శకత్వం వహిస్తున్నారు. ప్రముఖ ఓటీటీ వేదిక నెట్‌ఫ్లిక్‌లో ఆగస్టు 12న విడుదల చేయబోతున్నారు.
తాజాగా ఈ సినిమా ట్రైలర్‌ను విడుదల చేశారు. ట్రైలర్ ఎమోషనల్ గా సాగింది. చిన్నప్పటి నుంచి పైలెట్‌ కావాలనుకున్న గుంజన్‌ సక్సేనా ఎలాంటి ప్రయత్నాలు చేసింది శిక్షణలో ఆమెకు ఎదురైన అనుభవాలు, అవమానాలు ఏంటి? వాటన్నింటినీ అధిగమించి ఇండియన్‌ ఎయిర్‌ఫోర్స్‌లో తొలి మహిళా పైలెట్‌గా ఎలా ఆవిర్భవించిందన్న వాస్తవ సంఘటనలను భావోద్వేగ భరితంగా తెరకెక్కించారు.
