దేశంలో 55వేల కొత్త కేసులు

దేశంలో కరోనా విజృంభణ కొనసాగుతోంది. గడిచిన 24గంటల్లో కొత్తగా మరో 55వేల పాజిటివ్‌ కేసులు నమోదయ్యాయ్. దీంతో మొత్తం కరోనా కేసుల సంఖ్య 27లక్షలు దాటింది. మొత్తం బాధితుల్లో ఇప్పటివరకు 51,797 మంది మృత్యువాతపడ్డట్లు కేంద్ర ఆరోగ్య, కుటుంబ సంక్షేమశాఖ వెల్లడించింది. నిన్న ఒక్కరోజే మరో 876 మంది కరోనా రోగులు ప్రాణాలు కోల్పోయారు.

దేశంలో మొత్తం కరోనా బాధితుల్లో ఇప్పటికే 19లక్షల 77వేల మంది కోలుకున్నారు. మరో 6లక్షల 73వేల క్రియాశీల కేసులు ఉన్నాయి. నిన్న ఒక్కరోజే 57,937 మంది కోలుకుని డిశ్చార్జి అయినట్లు ప్రభుత్వం తెలిపింది. ప్రస్తుతం దేశంలో కరోనా బాధితుల రికవరీ రేటు 72.5శాతం ఉండగా, మరణాల రేటు దాదాపు 1.9శాతంగా కొనసాగుతోంది. గత రెండురోజులుగా దేశవ్యాప్తంగా 60వేలకు దిగువన కేసులు నమోదవడంతోపాటు మరణాల సంఖ్య కాస్త తగ్గింది.