ఈ యేడాది నో షూటింగ్స్.. తేల్చేసిన వెంకీ !

తెలుగు రాష్ట్రాల్లో సినిమా షూటింగులకి అనుమతులు లభించి చాన్నాళ్లవుతోంది. అయినా టాలీవుడ్ లో షూటింగ్ ల హడావుడి మొదలు కాలేదు. ఒకటి అరా సినిమాల షూటింగ్స్ మాత్రమే జరుగుతున్నాయి. అవి కూడా చిన్ని సినిమాలే. పెద్ద సినిమాలు ఇంకా షూటింగ్స్ కి వెళ్లడం లేదు. సీనియర్  హీరోలైతే ఈ యేడాది పూర్తిగా సెలవు తీసుకొనేలా ఉన్నారు.

తాజాగా షూటింగ్ లపై విక్టరీ వెంకటేష్ స్పందించారు. ఈ యేడాది నో షూటింగ్స్ అని క్లారిటీ ఇచ్చారు. ప్రస్తుతం వెంకీ నారప్ప సినిమాలో నటిస్తున్నారు. దీని తర్వాత ఎఫ్2 సీక్వెల్ ఎఫ్ 3లో నటించనున్నారు. ఈ రెండు సినిమాలు కూడా వచ్చే యేడాది సంక్రాంతి తర్వాతే షూటింగ్స్ మొదలవుతాయని వెంకీ చెప్పేశారు.