కొండ‌గ‌ట్టు నుంచి ప‌వ‌న్ దారెటు…?
ప‌వ‌ర్ స్టార్ ప‌వ‌న్ క‌ళ్యాణ్ త‌న రాజ‌కీయ యాత్ర కొండ‌గ‌ట్టు నుంచి ప్రారంభిస్తాన‌ని ట్విట్ట‌ర్ వేదిక‌గా ప్ర‌క‌టించిన విష‌యం తెలిసిందే. అయితే ఆయ‌న యాత్ర చేసే తేదీపై ఇంకా స్ప‌ష్ట‌త రాన‌ప్ప‌టికీ ప్రారంభించేది మాత్రం కొండ‌గ‌ట్టు నుంచే అనే విష‌యం మాత్రం క్లారిటీ ఇచ్చారు ప‌వ‌న్. త‌మ ఇంటి దైవం ఆంజ‌నేయుడి ఆశిస్సుల‌తో రాజ‌కీయ యాత్ర ప్రారంభించే ప‌వ‌న్ అక్క‌డి నుంచి ఎక్క‌డ‌కు వెళ‌తార‌నే ప్ర‌శ్న అంద‌రినీ వేదిస్తోంది.
కొండ‌గ‌ట్టులో యాత్ర ప్రారంభించి అటు ఏపీకి వెళ‌తారా లేక ఇటు తెలంగాణ‌లో ప‌ర్య‌టిస్తారా అనే సందేహాం క‌లుగుతోంది చాలామందికి . అందుకే కాబోలు ప‌వ‌న్ రాజ‌కీయ యాత్ర అని ప్ర‌క‌టించ‌గానే ఏ రాజ‌కీయ పార్టీల నేత‌లు ఇప్ప‌టివ‌ర‌కు విమ‌ర్శించ‌లేదు స‌రిక‌దా.. కనీసం స్పందించ‌లేదు. ఆయ‌న యాత్ర తేదీతో పాటు ఎక్క‌డెక్క‌డ‌కు వెళ‌తారు, ఏయే ప్రాంతాల్లో ప‌ర్య‌టిస్తార‌నే విష‌యంపై ఒక క్లారిటీ వ‌స్తేగానీ ప‌వ‌న్ ప్ర‌భావం ఎక్క‌డ ఎంత ఉంటుందో చెప్ప‌వ‌చ్చంటున్నారు విశ్లేష‌కులు.
మ‌రోసారి జ‌న‌సేన పార్టీ ముఖ్యుల స‌మావేశం ఏర్పాటు చేసిన త‌రువాత యాత్ర తేదీ, షెడ్యూలు ప్ర‌క‌టించే అవ‌కాశం క‌నిపిస్తోంది. మ‌రి ప‌వ‌న్ ఏ దారిలో వెళ‌తారో చూడాలి..
