అనుష్క పక్కన ప్రభాస్.. మరోసారి !
అనుష్క- ప్రభాస్ లది సూపర్ హిట్ జోడి. వీరిద్దరు జోడీ కట్టిన బిల్లా, మిర్చి సినిమాలు సూపర్ హిట్టయ్యాయి. ‘బాహుబలి’తో సంచలనం సృష్టించారు. ఈ సినిమాతో ఈ జంట లవ్’లో పడింది.. త్వరలోనే పెళ్లి కూడా చేసుకోబోతున్నారనే ప్రచారం జరిగింది. ఐతే, ఇప్పుడు మరోసారి అనుష్క పక్కన ప్రభాస్ కనిపించబోతున్నాడు. ఇది సినిమాలో కాదు. అనుష్క తాజా చిత్రం ‘భాగమతి’ ప్రేక్షకుల ముందుకు వచ్చేందుకు రెడీ అయ్యింది.
ఇప్పటికే టీజర్, ట్రైలర్స్ తో తెగ భయపెడుతోంది అనుష్క. ఈ భయం థియేటర్స్ లోనూ కలిగిస్తే ‘భాగమతి’ బ్లాక్ బస్టర్ హిట్ కిందే లెక్క. రిలీజ్ కి ముందు ఈ సినిమా ప్రీ-రిలీజ్ ఈవెంట్ ని ఈరోజు (ఆదివారం) అమెరికాలో గ్రాండ్ గా నిర్వహించబోతున్నారు. ఈ వేడుకకి ప్రభాస్ ముఖ్య అతిథిగా హాజరుకాబోతున్నారు. వేదికపై స్వీటీ-ప్రభాస్ నిల్చుకొని ఓర చూపులతో చూసుకోవడం ఖాయం. అది చూసి ఫ్యాన్స్ పండగ చేసుకోవడం డబుల్ గ్యారెంటీ.
ప్రభాస్ సొంత బ్యానర్ గా పిలవబడే ‘యూవీ క్రియేషన్స్’పై ‘భాగమతి’ తెరకెక్కింది. కేవలం ప్రభాస్ కోసమే అనుష్క ఈ సినిమాలో నటించేందుకు ఓప్పేసుకొందనే టాక్ కూడా ఉంది. ఇందులో నిజమెంత ? అనేది నేటి ప్రీ-రిలీజ్ వేడుకలో తెలియనుందని చెబుతున్నారు. బహుశా.. ఈ విషయాన్ని ప్రభాస్ స్వయంగా ప్రకటించొచ్చేమో… !
