భరత్ బిజినెస్ అదిరిపోయిందట !
సూపర్ స్టార్ మహేష్ బాబుని రాజకీయాల్లోకి దించాడు దర్శకుడు కొరటాల శివ. ఏకంగా మహేష్ ని ముఖ్యమంత్రిగా చూపించబోతున్నాడు. టైటిల్’లోనే మహేష్’తో ‘భరత్ అను నేను’ అంటూ ప్రమాణం చేయిస్తున్నాడు. ఆ తర్వాత ఏం చూపించబోతున్నాడు అనేది సినిమా చూసి తెలుసుకోవాలి అంటున్నాడు. భరత్ ను ఏప్రిల్ 27న ప్రేక్షకుల ముందుకు తీసుకు రానున్నారు.
అంతకంటే ముందు ఈ నెల 26 రిపబ్లిక్ డే సందర్బంగా “భరత్ అను నేను” ఫస్ట్ లుక్ ని రిలీజ్ చేయబోతున్నాడు. ఆ తర్వాత టీజర్, ట్రైలర్, ఆడియో, ప్రీ-రిలీజ్ వేడుకలు క్యూ కట్టనున్నాయి. ఐతే, ఇప్పటికే భరత్ ప్రీ-రిలీజ్ బిజినెస్ ఓ రేంజ్ లో జరిగిపోతున్నట్టు సమాచారమ్. ఈ సినిమా శాటిలైట్, డిజిటల్ హక్కులకు పెద్ద మొత్తాన్ని చెల్లించడానికి ప్రముఖ టీవీ ఛానెల్, అమెజాన్ ప్రైమ్ వంటి సంస్థలు ముందుకొచ్చాయట. ఇవీగాక, డభ్భింగ్ హక్కుల కోసం పోటీ నెలకొందని చెబుతున్నారు.
ఈ సినిమాలో మహేష్ సరసన కైరా అద్వానీ జతకట్టనుంది. దేవిశ్రీ ప్రసాద్ సంగీతం. డివివి. దానయ్య నిర్మాత.
