తెలంగాణ కరోనా రిపోర్ట్ : లక్ష మంది కోలుకున్నారు.

తెలంగాణలో కరోనా విజృభిస్తోంది. ప్రతిరోజూ 2వేలకుపైగా కొత్త కేసులు నమోదవుతున్నాయి. అయితే అదే సమయంలో కోలుకుంటున్నవారి సంఖ్య కూడా పెరుగుతోంది. గడిచిన 24గంటల్లో 2,611 మంది కరోనా నుంచి కోలుకున్నారు. దీంతో ఇప్పటి వరకు కరోనా నుంచి పూర్తిగా కోలుకొని డిశ్చార్జ్ అయిన వారి సంఖ్య 1,00,013కు చేరింది.

గడిచిన 24 గంటల్లో తెలంగాణలో 2817 కొత్త కేసులు నమోదయ్యాయ్. మొత్తం కరోనా కేసుల సంఖ్య 1,33,406కు చేరింది. నిన్న 10 మంది కరోనా మృతి చెందారు. దీంతో మొత్తం మృతుల సంఖ్య 856కి చేరాయి. ప్రస్తుతం రాష్ట్రంలో 32,537 యాక్టివ్ కేసులున్నాయి. వీరిలో 25,293 మంది బాధితులు హోం ఐసోలేష‌న్‌లో ఉన్నారు.