తెలంగాణలో 2,511 కొత్త కేసులు

తెలంగాణలో కరోనా విజృంభణ కొనసాగుతోంది. గడచిన 24 గంటల్లో 2,511 కొవిడ్‌ కేసులు నమోదయ్యాయి. దీంతో మొత్తం ఇప్పటి వరకు నమోదైన కేసుల సంఖ్య 1,38,395కి చేరింది. నిన్న ఒక్కరోజే కరోనాతో 11మంది మృతి చెందారు. దీంతో మృతుల సంఖ్య 877కి చేరింది. నిన్న ఒక్కరోజే కరోనా బారి నుంచి 2,579 మంది కోలుకున్నారు. దీంతో ఇప్పటి వరకు కోలుకున్న బాధితుల సంఖ్య 1,04,603కి చేరింది. రాష్ట్రంలో ప్రస్తుతం యాక్టివ్‌ కేసుల సంఖ్య 32,915కి చేరిందని వైద్య ఆరోగ్యశాఖ తెలిపింది.  నిన్న అత్యధికంగా జీహెచ్‌ఎంసీ పరిధిలో 305 కేసులు నమోదయ్యాయి.  రాష్ట్రంలో ఇప్పటి వరకు 16,67,653 కరోనా నిర్ధారణ పరీక్షలు జరిగాయి.

మరోవైపు కరోనా కట్టడి విషయంలో ప్రభుత్వంపై హైకోర్ట్ అసంతృప్తిని వ్యక్తం చేస్తున్న సంగతి తెలిసిందే. కరోనా కేసుల విషయంలో తప్పుడు సమాచారం ఇస్తున్నారని మండిపడింది. గతంలోనూ హైకోర్టు, కేంద్రం తెలంగాణలో కరోనా కట్టడిపై అసంతృప్తిని వ్యక్తం చేసిన సంగతి తెలిసిందే.