శాండిల్ వుడ్ డ్రగ్స్ కేసుతో రియాకు లింకు ఉందా?
శాండిల్ వుడ్ డ్రగ్ కేసులో హీరోయిన్స్ సంజయ గల్రాని, రాగిణి ద్వివేదిలు అరెస్టైన సంగతి తెలిసిందే. విచారణలో వీరు పలువురు ప్రముఖుల పేర్లని బయటపెట్టిన సమాచారమ్. ఈ లిస్టులో సినిమా, సీరియల్, రాజకీయ, వ్యాపారా ప్రముఖులు ఉన్నట్టు తెలుస్తోంది. వారిలో చాలా మంది ప్రస్తుతం పరారీలో ఉన్నట్టు సమాచారమ్.
మరో షాకింగ్ విషయం ఏంటంటే.. ? బాలీవుడ్‌ నటుడు సుశాంత్‌ రాజ్‌పుత్‌ సింగ్‌ కేసులో అరెస్టయిన నటి రియా చక్రవర్తికి చందనసీమకు చెందిన కొందరు కథానాయికలతో సంబంధం ఉందని అనుమానిస్తున్నారు. పూర్తి ఆధారాలతో విచారణ జరిపేందుకు సీసీబీ, నార్కోటిక్‌, ఈడీ, ఐటీ శాఖల అధికారులు సన్నాహాలు చేస్తున్నారు.
ఇక మాదక ద్రవ్యాలు, ఉత్ప్రేరకాలను వినియోగించిన వారిని గుర్తించేందుకు సాధారణంగా డోప్‌ పరీక్షలు నిర్వహిస్తారు. మూత్రం, శిరోజాలు, చెమట, లాలాజలం తదితరాలను ఉపయోగించి, గత 92 రోజుల్లో వారు ఏవైనా మాదక ద్రవ్యాలను తీసుకున్నారో, లేదో గుర్తించేందుకు ప్రత్యేక పరీక్షలు నిర్వహిస్తారు. రాగిణి, సంజన నుంచి సేకరించిన నమూనాల పరీక్ష నివేదిక సోమవారం సాయంత్రం లోగా పోలీసుల చేతికి అందనుంది. ఈ నివేదికలో పాజిటివ్‌ వస్తే వీరికి ఉచ్చు మరింత బిగిసినట్టేనని చెబుతున్నారు.
