కాపీ ‘చూపులతో గుచ్చి గుచ్చి చంపేస్తోన్న.. ‘ కైరా !
బాలీవుడ్ యంగ్ హీరోయిన్ కైరా అడ్వానీ చూపులతో గుచ్చి గుచ్చి చంపేస్తోంది. అయితే అవి కాపీ చూపులని చూడగానే తెలుగు ప్రేక్షకులు తేల్చేశారు. కాపీ చూపులేంటీ.. అనుకుంటున్నారరా ?? కైరా తాజా చిత్రం ‘ఇందూకి జవానీ’. తాజాగా ఈ సినిమా నుంచి ఫుల్ లెంగ్త్ డాన్స్ నంబర్ గా ఓ పాటని రిలీజ్ చేశారు. మాస్ మహారాజా రవితేజ హీరోగా నటించిన ‘ఇడియట్’ సినిమాలోని ‘చూపులతో గుచ్చిగుచ్చి చంపకే’ అనే పాట ట్యూన్ ను యాజ్ టీజ్ గా దించేశారు.
ఈ పాటలో కొత్తగా ఏమైనా ఉనాయా ? అంటే కైరా కిల్లింగ్ ఎక్స్ ప్రెషన్స్ మాత్రమే. తనకే సొంతమైన బోల్డ్ ఎక్స్ ప్రెస్ తో అదరగొట్టేసింది. ఇంతకీ ఇడియట్ సాంగ్ ట్యూన్ కాపీ కొట్టిన ఇడియన్ మ్యూజిక్ డైరెక్టర్ ఎవరో తెలుసా ? మికా సింగ్. ట్యూన్ కాపీయే అయినా.. ఆ విషయం తెలుగు ప్రేక్షకులకి మాత్రమే తెలుసు. బాలీవుడ్ జనాలు మాత్రం ఈ డ్యాన్స్ నెంబర్ బాగుందంటూ.. ఎంజాయ్ చేస్తున్నారు.
