‘నిశ్శబ్దం’ ట్రైలర్ చూశారా ?
హేమంత్‌ మధుకర్‌ దర్శకత్వంలో అనుష్క, మాధవన్‌, అంజలి కీలక పాత్రల్లో నటిస్తున్న సస్పెన్స్‌ థ్రిల్లర్‌ ‘నిశ్శబ్దం’. ఇందులో అనుష్క దివ్యాంగురాలిగా కనిపించనున్నారు. ప్రస్తుతం థియేటర్లు తెరిచే పరిస్థితి లేకపోవడంతో అమెజాన్‌ వేదికగా అక్టోబరు 2న ఈ సినిమాను ప్రేక్షకుల ముందుకు తీసుకురానున్నట్లు చిత్ర బృందం ఇటీవల ప్రకటించింది. ఈ నేపథ్యంలో తాజాగా ట్రైలర్ ని రిలీజ్ చేశారు.
సోనాలి అనే యువత కనిపించకుండా పోవటానికి కారణం ఏంటి? సాక్షి(అనుష్క), ఆంటోని(మాధవన్‌)లు ఎవరు? వారికి సోనాలికీ సంబంధం ఏంటి? తెలియాలంటే సినిమా చూడాల్సిందే. భాగమతి తర్వాత అనుష్క నటించిన చిత్రమిది. తెలుగుతోపాటు తమిళ, మలయాళ భాషల్లో చిత్రాన్ని ప్రేక్షకుల ముందుకు తీసుకురాబోతున్నారు. ఈ చిత్రానికి గోపీ సుందర్ సంగీతం అందించారు. పీపుల్స్‌ మీడియా ఫ్యాక్టరీ, కోన ఫిల్మ్‌ కార్పొరేషన్‌ పతాకంపై టీజీ విశ్వప్రసాద్‌, వివేక్‌ కూచిభొట్ల నిర్మిస్తున్నారు.
