బిగ్ బ్రేకింగ్ :  ఎస్పీ బాలు కన్నుమూత 

అభిమానుల ప్రార్థనలు ఫలించలేదు. గాన గాంధర్వుడు ఎస్పీ బాలసుబ్రహ్మణ్యం కన్నుమూశారు. ఈ విషయాన్ని బాలు తనయుడు ఎస్పీ చరణ్ మీడియాకు తెలిపారు. ప్రస్తుతం బాలు కుటుంబం ఆసుపత్రి దగ్గరే ఉంది. బాలు మరణవార్తతో సీనీ పరశ్రమలో విషాదం నెలకొంది. టాలీవుడ్, కోలీవుడ్, శాండిల్ వుడ్ ప్రేక్షకులు బాలు చనిపోయారన్న వార్తని జీర్ణించుకోలేకపోతున్నారు.
 
ఆగస్టు 5న కరోనాతో బాలు చెన్నైలోని ఎంజీఎం ఆసుపత్రిలో చేరిన సంగతి తెలిసిందే. అయితే ఇటీవల ఆయన కరోనాని జయించారు. ఆరోగ్యం కూడా మెరుగుపడింది. ఆహారం తీసుకున్నారు. వ్యాయామం చేసారు. అయితే గురువారం ఒక్కసారిగా బాలు ఆరోగ్యం విషమించింది. ఆయన్ని  కాపాడటానికి డాక్టర్లు చేసిన ప్రయత్నాలేవీ ఫలించలేదు. బాలు సన్నిహితులు కమల్, భారతీరాజా, ఇతరలు చివరి చూపు కోసం ఆసుపత్రి కి వెళ్ళారు.