తెలంగాణలో భారీగా పెరిగిన కరోనా కేసులు

తెలంగాణలో ప్రతిరోజూ నమోదవుతున్న కొత్త కేసుల సంఖ్య తగ్గుతూ.. పెరుగుతూ ఉన్నాయ్. ఓ రోజు టెస్టుల సంఖ్య తగ్గించడం, మరోరోజు పెంచడం వలనే ఇలా జరుగుతోంది. దీనిపై హైకోర్టు కూడా అసంతృప్తి వ్యక్తం చేసిన సంగతి తెలిసిందే. ఇక గడిచిన 24 గంటల్లో తెలంగాణలో 2,103 పాజిటివ్‌ కేసులు నమోదయ్యాయి. దీంతో మొత్తం ఇప్పటి వరకు నమోదైన కేసుల సంఖ్య 1,91,386కి చేరింది.

నిన్న ఒక్కరోజే కరోనాతో 11 మంది మృతి చెందారు. దీంతో మృతుల సంఖ్య 1127కి చేరింది. కరోనా బారి నుంచి నిన్న ఒక్క రోజే 2,243 మంది కోలుకున్నారు. దీంతో ఇప్పటివరకు కోలుకున్న బాధితుల సంఖ్య 1,60,933కి చేరింది. రాష్ట్రంలో ప్రస్తుతం 29,326 యాక్టివ్‌ కేసులు ఉన్నాయని, వారిలో 23,880 మంది హోం ఐసోలేషన్‌లో చికిత్స పొందుతున్నారని వైద్య ఆరోగ్యశాఖ తెలిపింది.