గుర్రంపై రామ్ చరణ్, బుల్లెట్ పై ఎన్టీఆర్ !

టాలీవుడ్ లో మళ్లీ సినిమా పండగ మొదలైంది. చిన్న సినిమాలే కాదు.. భారీ బడ్జెట్ సినిమాలు కూడా సెట్స్ మీదకు వెళ్తున్నాయి. తాజాగా ‘ఆర్.ఆర్.ఆర్’ షూటింగ్ తిరిగి ప్రారంభం అయింది. ఈ విషయాన్ని తెలియజేస్తూ.. #WERRRBACK పేరిట ఓ మేకింగ్ వీడియోని రిలీజ్ చేశారు.

ఈ సినిమా షూటింగ్ అందరిలానే కరోనా వలన ఆపెశామని ఇప్పుడు రెట్టించిన ఉత్సాహంతో షూట్ స్టార్ట్ చేస్తున్నామని ప్రకటించారు. షూటింగ్ తిరిగి మొదలెడుతున్న నేపథ్యంలో సెట్ కి లాక్ తీయడంతో పాటు సెట్స్ అన్నీ క్లీన్ చేస్తున్న బిట్ సీన్స్ చూపించారు. అంతేకాదు.. గుర్రంపై రామ్ చరణ్, బుల్లెట్ పై ఎన్ టీఆర్ పక్క  పక్కనే వెళ్తున్న బిట్ సీన్ ఈ వీడియో చూడొచ్చు. ఇక దసరా కానుకగా ఈ నెల 22న రామరాజు ఫర్ భీమ్ విడుదల చేయనున్నట్టు తెలిపారు.

స్వాత్రంత్య్ర సమరయోధులు అల్లూరి సీతారామ రాజు, కొమరం భీమ్ ల జీవితకథలోని ఓ ఉమ్మడి పాయింట్ ఆధారంగా ఆర్ ఆర్ ఆర్ కథని రెడీ చేశారు రాజమౌళి. ఇందులో అల్లూరిగా రామ్ చరణ్, ఆయనకి జంటగా బాలీవుడ్ బ్యూటీ అలియా భట్ నటిస్తున్నారు. కొమరం భీమ్ పాత్రలో తారక్, ఆయనకి  జంటగా హాలీవుడ్ హీరోయిన్ ఓలివియా మోరీస్ నటిస్తున్నారు. ఈ చిత్రాన్ని దాదాపు రూ. 400కోట్ల బడ్జెట్ తో డివివి దానయ్య నిర్మిస్తున్నారు.