ఏపీలో మళ్లీ పెరిగిన కరోనా కేసులు

ఏపీలో కరోనా కేసులు తగ్గినట్టే తగ్గి.. మళ్లీ పెరుగుతున్నాయి. గడిచిన 24 గంటల్లో ఏపీలో 5,795 కొత్త కేసులు నమోదయ్యాయ్. దీంతో రాష్ట్రంలో ఇప్పటి వరకు కరోనా సోకిన వారి సంఖ్య 7,29,307కి చేరింది. 24 గంటల వ్యవధిలో 33 మంది కరోనాతో చికిత్స పొందుతూ మృతిచెందారు. దీంతో మొత్తం కరోనా మృతుల సంఖ్య 6,052కి చేరింది. 24 గంటల్లో 6,046 మంది కరోనా నుంచి పూర్తిగా కోలుకున్నారు.

ఇక నిన్న మృతి చెందిన 33 మందిలో.. కృష్ణా జిల్లాలో 6 మంది, ప్రకాశం 5, తూర్పుగోదావరి 4, విశాఖపట్నం 4, అనంతపురం 3, చిత్తూరు 3, గుంటూరు, నెల్లూరు, పశ్చిమగోదావరిలో ఇద్దరేసి.. కడప, విజయనగరం జిల్లాల్లో ఒకరు చొప్పున మరణించారు.