డ్రగ్స్ కేసు : రియా కస్టడి పొడగింపు

బాలీవుడ్ నటుడు సుశాంత్ సింగ్ రాజ్ పుత్ ఆత్మహత్య కేసు దర్యాప్తులో డ్రగ్స్ కోణం వెలుగులోనికి వచ్చిన సంగతి తెలిసిందే. ఈ కేసులో సుశాంత్ సన్నిహితురాలు రియా చక్రవర్తిని ఎన్సీబీ అరెస్టు చేసిన విషయం తెలిసిందే. మధ్యవర్తుల నుంచి డ్రగ్స్‌ తెప్పించిన నటి సోదరుడు షోవిక్‌ సహా మరో 18 మందిని దర్యాప్తు సంస్థ అరెస్టు చేసి జైలుకు తరలించింది.

తాజాగా  వీళ్లు పెట్టుకున్న బెయిల్ పిటిషన్ మరోసారి తిరస్కరణకు గురైంది. వారి జ్యుడిషియల్‌ కస్టడీని పొడిగించింది. ఈ కేసులో అరెస్టయిన మరో 18 మంది కస్టడీని కూడా అక్టోబర్‌ 20వ తేదీ వరకు పొడిగిస్తూ నార్కోటిక్ డ్రగ్స్ అండ్ సైకోట్రోపిక్ సబ్‌స్టాన్సెస్ యాక్ట్ కోర్టు (ఎన్‌డీపీఎస్) మంగళవారం ఉత్తర్వులు ఇచ్చింది.