దేశంలో 70లక్షలు దాటిన కరోనా కేసులు

దేశంలో కరోనా విజృంభణ కొనసాగుతూనే ఉంది. గడిచిన 24 గంటల్లో దేశంలో 74,383 కొత్త కేసులు నమోదయ్యాయ్. దీంతో దేశంలో మొత్తం కేసుల సంఖ్య 70,53,807కి చేరింది. నిన్న ఒక్క రోజే కరోనా మహమ్మారితో 918 మంది మృత్యువాత పడ్డారు. దీంతో ఇప్పటి వరకు మృతి చెందిన వారి సంఖ్య 1,08,334కి పెరిగింది.

మరోవైపు దేశ వ్యాప్తంగా గత కొన్ని రోజుల నుంచి యాక్టివ్‌ కేసుల సంఖ్య తగ్గుతూ వస్తోంది. ప్రస్తుతం దేశంలో 8,67,496 క్రియాశీల కేసులు ఉన్నట్లు కేంద్ర ఆరోగ్యశాఖ తెలిపింది. ఇప్పటివరకు 60,77,997 మంది కరోనా నుంచి కోలుకొని డిశ్చార్జి అయినట్లు బులిటెన్‌లో పేర్కొంది. దేశవ్యాప్తంగా ఇప్పటి వరకు 8,68,77,242 పరీక్షలు నిర్వహించినట్లు కేంద్రం తెలిపింది.