ప్రభాస్-నాగ్ అశ్విన్ సినిమా.. మ‌రికొంత మంది స్టార్స్ !
నాగ్ అశ్విన్ దర్శకత్వంలో ప్రభాస్ సినిమా రాబోతున్న సంగతి తెలిసిందే. ఇదో సైన్స్ ఫిక్సన్ అని తెలుస్తోంది. భారీ బడ్జెట్ తో పాన్ ఇండియా సినిమా రాబోతుంది. అమితాబ్ బ‌చ్చ‌న్‌, దీపికా ప‌దుకొణెలాంటి స్టార్లు ఇప్ప‌టికే ఈసినిమాలో చేరారు. ఈ సార్స్ ప్రవాహం ఇక్కడితో ఆగదట. త‌మిళ, మ‌ల‌యాళ చిత్ర‌సీమ నుంచి ఒక్కో అగ్ర క‌థానాయ‌కుడు ఈ ప్రాజెక్టులోకి ఎంట్రీ ఇస్తార‌ని స‌మాచారం. తెలుగు నుంచి కూడా ఓ ప్ర‌ముఖ న‌టుడు ఈ సినిమాలో భాగం పంచుకోబోతున్నార‌ని తెలుస్తోంది. అన్నీ బాషల ప్రేక్షకులు ఇది మా సినిమానే అనుకునేలా స్టార్స్ ఉంటారని తెలుస్తోంది.
దాదాపు 250 కోట్ల భారీ బడ్జెట్ తో తెర‌కెక్క‌బోతున్న చిత్ర‌మిది. అందులో స‌గం పారితోషికాల‌కే స‌రిపోయేట‌ట్టుంది. ప్రస్తుతం ప్రభాస్ రాధ్యేశ్యామ్ సినిమాతో బిజీగా ఉన్నారు. ఆ తర్వాత నాగ్ అశ్విన్ సినిమాని మొదలెట్టనున్నారు. వచ్చే యేడాది ఫిబ్రవరి నుంచి ఈ సినిమా రెగ్యూలర్ షూటింగ్ ప్రారంభం కానుందని తెలుస్తొంది. ఈ సినిమా కోసం సింగీతం శ్రీనివాస్ క్రియేటివ్ హెడ్ గా పని చేయనున్నారు.
