పాక్’పై యంగ్ ఇండియా ఘన విజయం

దాయాది పాకిస్థాన్ జట్టుని భారత కుర్రాళ్లు చిత్తు చిత్తుగా ఓడించారు. అండర్-19 వరల్డ్ కప్’లో భాగంగా సెమీస్ మ్యాచ్ లో భారత్ పాక్ ను ఏకంగా 203 పరుగుల భారీ ఆధిక్యంతో మట్టికరిపించింది. దీంతో ఫైనల్’లోకి ప్రవేశించింది. ఫిబ్రవరి 3వ తేదిన ఆస్ట్రేలియా-భారత్ ల మధ్య ఫైనల్ జరగనుంది. భారత యువ జట్టు వరల్డ్ కప్ లో ఫైనల్ లోకి చేరుకోవడం ఇది ఆరోసారి.

టాస్ గెలిచి తొలుత బ్యాటింగ్ చేపట్టిన భారత జట్టు నిర్ణీత 50 ఓవర్లలో 272 పరుగుల చేసింది. శుభ్ మాన్ గిల్ సెంచరీ 102 పరుగులు చేసి అజేయంగా నిలిచాడు. పృధ్వీషా (41),మన్ జోత్ కల్రా (47) రాణించారు. అనంతరం 273పరుగుల విజయ లక్ష్యంతో బరిలోకి దిగిన పాక్ జట్టుకు భారత బౌలర్ ఇషాన్ ఆదిలోనే దెబ్బతీశాడు. టాపాటపా నాలుగు వికెట్లు పడగొట్టాడు. దీంతో.. పాక్ కేవలం 29.3 ఓవర్లలో 69 పరుగులకు ఆలౌటై ఘోరపరాజయాన్ని మూటగట్టుకుంది.