బీజేపీలోకి విజయశాంతి.. ఖాయం !
తెలంగాణ కాంగ్రెస్ మహిళా నేత, సీనియర్ హీరోయిన్ విజయశాంతి బీజేపీలో చేరబోతున్నట్టు కొన్నాళ్లుగా ప్రచారం జరుగుతోంది. ఇటీవల కేంద్ర మంత్రి కిషన్ రెడ్డి విజయశాంతి ఇంతికి వెళ్లారు. రాములమ్మతో మాట్లాడారు. అప్పటి నుంచి ఆమె బీజేపీలో చేరబోతున్నట్టు ప్రచారం జరిగింది. అయితే దీనిపై విజయశాంతి స్పందించలేదు.
తాజాగా తెలంగాణ భాజాపా అధ్యక్షుడు బండి సంజయ్ విజయశాంతిపై ప్రశంసలు కురిపించారు. విజయశాంతి ఎంతో ప్రజాదరణ ఉన్న నాయకురాలు. తెలంగాణ ఉద్యమంలో ఆమె కీలకంగా వ్యవహరించారు. తెలంగాణ గ్రామ ప్రజల్లో విజయశాంతి చైతన్యం కలిగించారు. కానీ తెలంగాణ వచ్చాక ఆమెని పార్టీలు నిర్లక్ష్యం చేశాయ్’ అని సంజయ్ అన్నారు. దీంతో.. విజయశాంతి భాజాపాలో చేరడం దాదాపు ఖాయమైంది. అతి త్వరలోనే ఆమె కమలం గూటికి చేరనుందని చెబుతున్నారు.
