అఫిషియల్ : ఈ నెల 9 నుంచి ‘ఆచార్య’ షూటింగ్
కొరటాల శివ దర్శకత్వంలో మెగాస్టార్ చిరంజీవి నటిస్తున్న చిత్రం ‘ఆచార్య’. ఈ సినిమా జెడ్ స్వీడుతో పూర్తి చేయాలని ముందస్తు ప్లాన్ చేశారు. కానీ ఆచార్య స్పీడుకు కరోనా బ్రేకులు వేసింది. తాజాగా ఈ సినిమా షూటింగ్ తిరిగి ప్రారంభం అయ్యేందుకు ముహూర్తం ఖరారైంది. నవంబర్ 9న ఆచార్య మూవీ షూటింగ్‌ని తిరిగి ప్రారంభించనున్నట్లు చిత్ర యూనిట్ అధికారికంగా ప్రకటించింది. ఈ మేరకు కొణిదెల ప్రొడక్షన్ కంపెనీ ట్విట్ చేసింది.
“నవంబర్ 9 నుంచి జాగ్రత్త చర్యలతో సెట్స్ మీదకు తిరిగి వెళ్లేందుకు చాలా ఉత్సాహంతో ఎదురుచూస్తున్నారు. నెల రోజుల పాటు ఓ లాంగ్ షెడ్యూల్ జరగనుంది. ఈ మూవీకి సంబంధించి ఇదే పెద్ద షెడ్యూల్. 2021 వేసవిలో థియేటర్‌లలో మెగా మాస్ సందడి మొదలవుతుంది” అని తెలిపింది.
తాజా షెడ్యూల్ లో రామ్ చరణ్ పై చిత్రీకరణ చేస్తారని తెలుస్తోంది. ఆయన జంటగా నటించనున్న రష్మిక మందన పార్ట్ ని కూడా పూర్తి చేస్తారని చెబుతున్నారు. ఈలోగా కొత్త పెళ్లి కూతురు కాజల్ కూడా వచ్చేస్తోంది. ఆమె రాగానే చిరు-కాజల్ కాంబోలో సన్నివేశాలని పూర్తి చేస్తారని తెలుస్తోంది.
Post lockdown, we are excited to be back on sets from NOV 9th with all the safety precautions. It will be a month long schedule in which large chunk of the movie shoot will be done.
Mega Mass will begin at theaters in Summer 2021 💥#Acharya
— Konidela Pro Company (@KonidelaPro) November 4, 2020
