సునీల్ కమెడియన్’గా.. మళ్లీ బిజీ !

సునీల్ రీ-ఎంట్రీ ఇవ్వబోతున్నాడు. అది కూడా గ్రాండ్’గా ప్లాన్ చేసుకొన్నట్టు తెలుస్తోంది. సునీల్ రీ-ఎంట్రీ ఇవ్వడమేంటీ అనుకొంటున్నారా..? ఇండస్ట్రీలో స్టార్ కమెడియన్’గా కొనసాగుతుండగానే ఆయన హీరోగా టర్న్ తీసుకొన్న సంగతి తెలిసిందే. ఐతే, హీరోగా సునీల్ సక్సెస్ కాలేకపోయాడనే చెప్పాలి. ఆయన హీరోగా చేసిన మర్యాద రామన్న, పూలరంగడు సినిమాలు హిట్ అయ్యాయి. ఆ తర్వాత వరుస ప్లాపులు పలకరించాయి.

భీమవరం బుల్లోడు, కృష్ణాష్టమి, ఈడు గోల్డ్ ఎహె, జక్కన్న, టూ కంట్రీస్ సినిమాలు వరుసగా ప్లాపులుగా తేలాయి. ఈ నేపథ్యంలో సునీల్ మళ్లీ కమెడియన్ గా రీ-ఎంట్రీ ఇవ్వబోతున్నట్టు వార్తలొచ్చాయి. వాస్తవానికి పవన్-త్రివిక్రమ్’ల ‘అజ్ఝాతవాసి’ సినిమాతోనే సునీల్ రీ-ఎంట్రీ ఇవ్వాల్సి ఉండాలి. ఐతే, కొన్ని కారణాల వల్ల సునీల్ చేసిన కామెడీ ట్రాక్ ని ఎడిటింగ్ లో లేపేయాల్సి వచ్చింది.

త్రివిక్రమ్ దర్శకత్వంలో రాబోతున్న ఎన్టీఆర్ సినిమాతో సునీల్ రీ-ఎంట్రీ ఇవ్వబోతున్నాడు. ఇందులో సునీల్ కోసం త్రివిక్రమ్ అద్భుతమైన కామెడీ ట్రాక్ ని రాశాడట. ఇదీగాక, అల్లరి నరేష్ ‘సుడిగాడు 2’లోనూ నటిస్తున్నాడు. ఇక, రవితేజ – శ్రీనువైట్ల సినిమాలోనూ సునీల్ కీలక పాత్రలో కనిపించబోతున్నాడు. ఇది కూడా కామెడీ ట్రాక్ తో నడిచే పాత్రేనని చెబుతున్నారు. రీ-ఎంట్రీతో సునీల్ కమెడియన్ గా మళ్లీ బిజీపోయాడని చెప్పాలి.