‘బెల్‌ బాటమ్’ ఐటమ్ దొరికేసింది
కరోనా లాక్‌డౌన్ తర్వాత సినిమాలన్నీ ఓటీటీ బాటపడుతున్నాయ్. అయితే ఇప్పుడిప్పుడే థియేటర్స్ తెరచుకుంటుండటంతో.. ‘బెల్‌ బాటమ్’ సినిమాను థియేటర్లలోనే విడుదల చేస్తున్నారు. అక్షయ్‌కుమార్‌ కథానాయకుడిగా నటిస్తున్న ఈ చిత్రంలో ఓ ఐటెమ్‌ సాంగ్‌ ఉండనుంది. ఈ పాటలో బాలీవుడ్‌ యువ అందాల తార నోరా ఫాతెహి నర్తించనుందని చిత్రబృందం ప్రకటించింది.
‘అక్షయ్‌తో కలిసి డ్యాన్స్‌ చేయడం కన్నా ఆనందం ఏముంటుంది?’ అని నోరా ఉప్పొంగిపోతోంది. లక్‌నవూ సెంట్రల్‌ చిత్రంతో పేరుతెచ్చుకున్న రంజిత్‌ తివారి ‘బెల్‌ బాటమ్’ను తెరకెక్కిస్తున్నారు. ఇటీవల ఈ సినిమా నుంచి టీజర్ అదిరిపోయింది.
