తెలంగాణలో 1,267 కేసులు,1,831 రికవరీ

తెలంగాణ క్రమ క్రమంగా కరోనా నుంచి కోలుకుంటోంది. కొత్త కేసుల సంఖ్యలో పెద్దగా తగ్గుదల లేకున్నా.. రికవరీ అవుతున్న వారి సంఖ్య పెరుగుతోంది. గడిచిన 24 గంటల్లో తెలంగాణలో 1,267 కేసులు నమోదు కాగా..1,831 మంది రికవరీ అయ్యారు.

రాష్ట్రంలో ఇప్పటి వరకు నమోదైన కేసుల సంఖ్య 2,52,455కి చేరింది. నిన్న ఒక్కరోజే కరోనాతో నలుగురు మృతి చెందారు. దీంతో మృతుల సంఖ్య 1,385కి చేరింది. కరోనాబారి నిన్న 1,831 మంది కోలుకున్నారు. దీంతో ఇప్పటివరకు కోలుకున్న బాధితుల సంఖ్య 2,32,489కి చేరింది. రాష్ట్రంలో ప్రస్తుతం 18,581 యాక్టివ్‌ కేసులు ఉన్నాయని, వారిలో 15,794 మంది హోం ఐసోలేషన్‌లో చికిత్స పొందుతున్నారు.