అ.. కిక్’ని దూరం చేయకండి !
నేచురల్ స్టార్ నాని నిర్మాతగా వ్యవహరిస్తున్న చిత్రం ‘అ!’. ప్రశాంతవర్మ దర్శకుడు. కాజల్‌, నిత్యామేనన్‌, రెజీనా, ఇషారెబ్బ, అవసరాల శ్రీనివాస్‌, మురళీశర్మ, ప్రియదర్శి కీలక పాత్రలు పోషిస్తున్నారు. తెలుగు తెరపై ఇప్పటి వరకు రానీ కథతో తెరకెక్కిన చిత్రమని చెబుతున్నారు. దీంతో ‘అ!’ కోసం ప్రేక్షకులు, ఇండస్ట్రీ ఆసక్తిగా ఎదురు చూస్తోంది. ఐతే, ఈరోజు (ఫిబ్రవరి 16) ప్రేక్షకుల ముందుకు రానున్న ‘అ’ విషయంలో ప్రేక్షకులకి ఓ విజ్ఝప్తి చేస్తున్నాడు నాచురల్ స్టార్ నాని.
ఆ విజ్ఝప్తి అతని మాటల్లోనే.. “యూఎస్‌లో ‘అ!’ ప్రీమియర్స్‌ వేసేశారు. ఈ సందర్భంగా అందరికీ చిన్న విన్నపం. కొన్ని సినిమాలకు టీజర్‌, ట్రైలర్‌లో కథ చెప్పేస్తాం. అలా చేయటం వల్ల సినిమాను బాగా ఎంజాయ్‌ చేస్తారు. కానీ, కొన్ని సినిమాలకు కథ ముందే చెప్పలేం. కొన్ని విషయాలను ఎలా అనుభూతి చెందాలో ఎలా ఎంజాయ్‌ చేయాలో దాన్ని పూర్తిగా ఆస్వాదించలేరు. సినిమా చూడబోయే మీడియా ఫ్రెండ్స్‌కు, ప్రేక్షకులకు నా విన్నపం ఎంటంటే?సినిమా చూసిన తర్వాత మీ ఫేస్‌బుక్‌లో, రివ్యూస్‌లో, లైవ్‌ ట్వీట్స్‌లో, మెస్సేజ్‌ల్లో సినిమా బాగుందా?లేదా? అనేది షేర్‌ చేయండి. నచ్చిందో? నచ్చలేదో కూడా చెప్పండి. చూడొచ్చా?చూడక్కర్లేదా? షేర్‌చేసుకోండి. మీ జనరల్‌ ఫార్మేట్‌ అంతా ఫాలోకండి. అయితే ఒక సినిమాకు సంబంధించి కొన్ని విషయాలను రివీల్‌ చేస్తే ఆ సినిమా చూసేవాళ్లకు కిక్‌ను ఎంజాయ్‌మెంట్‌ను తగ్గించిన వాళ్లం అవుతాం. అలా చేయొద్దని మనస్ఫూర్తిగా కోరుకుంటున్నాను. కొత్త ప్రయత్నం చేశాం. తెలుగులో కొత్త సినిమా రావాలని కోరుకునే వారందరికీ ‘అ!’ నచ్చుతుందని నమ్ముతున్నా. థ్యాంక్యూ.. -మీ నాని” అంటూ ఓ ప్రకటన విడుదల చేశారు.
ఇక, ఈ సినిమాలో నాని నటించడం లేదు. కానీ, వినిపించనున్నాడు. ఇందులో నాని ఓ చేపకు, రవితేజ ఓ మొక్కకు వాయిస్ ఓవర్‌ ఇచ్చారు.‘అ!’ చిత్రానికి మార్క్‌ కె రాబిన్‌ సంగీతం అందించారు. ప్రశాంతి త్రిపురనేని నిర్మిస్తున్నారు.
