వెంకీ బర్త్ డే గిఫ్ట్ : ‘ఎఫ్‌-3’ కాన్సెప్ట్‌ పోస్టర్‌

విక్టరీ వెంకటేష్ పుట్టినరోజు నేడు. ఈ సందర్భంగా అభిమానులకి గిఫ్ట్ అందజేశారు. ఎఫ్ 3 కాన్సెప్ట్ పోస్టర్ ని రిలీజ్ చేశారు. అనిల్ రావిపూడి దర్శకత్వంలో విక్టరీ వెంకటేశ్‌, వరుణ్‌ తేజ్ కలిసి నటించిన చిత్రం ఎఫ్ 2. 2019 సంక్రాంతికి ప్రేక్షకుల ముందుకొచ్చి బ్లాక్ బస్టర్ హిట్ అయింది. ఇప్పుడీ ఈ సినిమా సీక్వెల్ గా ఎఫ్ 3 రానుంది. త్వరలోనే రెగ్యూలర్ షూటింగ్ మొదలవ్వనుంది.

వెంకటేశ్‌ పుట్టినరోజు సందర్భంగా ‘ఎఫ్‌-3’ కాన్సెప్ట్‌ పోస్టర్‌ను చిత్రబృందం విడుదల చేసింది. ”ఎఫ్‌-2’లో భార్యలపై ఫ్రస్ట్రేషన్‌తో ఉన్న మన హీరోలు ‘ఎఫ్‌-3’లో డబ్బు వల్ల ఫ్రస్ట్రేషన్‌కు గురి కానున్నారు. కో బ్రదర్స్‌ వెంకీ, వరుణ్‌ జీవితాల్లో మరింత ఫన్‌ నింపుదాం’ అని చిత్రబృందం పేర్కొంది. ‘ఎఫ్‌-2’లో నటించిన తమన్నా, మెహరీన్‌.. ఈ సీక్వెల్‌లోనూ సందడి చేయనున్నారు. వీరితో పాటు మరో ఇద్దరు  హీరోయిన్స్ ఎఫ్ 3లో సందడి చేయనున్నట్టు సమాచారమ్.