రానా బర్త్ డే గిఫ్ట్ : విరాటపర్వం ఫస్ట్ లుక్

వేణు ఉడుగుల దర్శకత్వంలో రానా దగ్గుబాటి నటిస్తున్న చిత్రం ‘విరాటపర్వం’. సాయి పల్లవి హీరోయిన్. న‌క్స‌లిజం నేప‌థ్యంలో సాగే అంద‌మైన ప్రేమ‌క‌థా చిత్ర‌మిది. ఈ కథలో మహిళా పాత్రలకి మంచి ప్రాధాన్యం ఉండనుందని చెబుతున్నారు. ఈ చిత్రంలో ప్రియమణి, నందితాదాస్‌, నవీన్‌ చంద్ర, నివేదా పేతురాజు కీలక పాత్రల్లో నటిస్తున్నారు.

ఈరోజు రానా పుట్టిన రోజు. ఈ సంద‌ర్భంగా `విరాట‌ప‌ర్వం`లోని రానా పాత్ర‌ని, లుక్‌ని ప‌రిచ‌యం చేశారు. ఈ సినిమాలో రవి అన్న పాత్ర‌లో రానా క‌నిపించ‌నున్నాడు. చేతిలో తుపాకీ, క‌ళ్ల‌లో తీక్ష‌ణ‌త తో న‌క్స‌లైట్ పాత్ర‌లో ఒదిగిపోయాడు రానా. ఈరోజు 11 గంట‌ల‌కు ఓ చిన్న టీజ‌ర్ కూడా విడుద‌ల చేయ‌నున్నారు.