వైరల్ : రిసెప్షన్’లో భార్యతో క్రికెట్ ఆడిన మిస్టరీ స్పిన్నర్ (వీడియో)
కోల్‌కతా జట్టు మిస్టరీ స్పిన్నర్ వరుణ్ చక్రవర్తి ఓ ఇంటివాడయ్యాడు. సీక్రెట్ గా పెళ్లి చేసుకున్నాడు. పెళ్లి విషయాన్ని వరుణ్ అధికారికంగా వెల్లడించలేదు. అతడి స్నేహితుడు అరుణ్ కార్తిక్‌ తన ఇన్‌స్టాగ్రామ్‌ ఖాతాలో వరుణ్ పెళ్లి ఫొటో షేర్ చేయడంతో అభిమానులకు ఈ విషయం తెలిసింది.
ఇక పెళ్లి రిసెప్షన్ లో భార్యతో కలిసి వరుణ్ చక్రవర్తి క్రికెట్ ఆడాడు. ఈ వీడియోని కోల్ కతా నైట్ రైడర్స్ షేర్ చేసింది. దీంతో పాటు మరికొన్ని పెళ్లి ఫోటోలని పంచుకుంది. ఇప్పుడవి వైరల్ అవుతున్నాయి. ఇక ఐపీఎల్ 13లో వరుణ్ చక్రవర్తి అదరగొట్టిన సంగతి తెలిసిందే. మొత్తంగా ఈ సీజన్‌లో 6.84 ఎకానమీతో పరుగులు ఇచ్చి 17 వికెట్లు పడగొట్టాడు. ఆస్ట్రేలియా పర్యటనలో టీ20 సిరీస్‌కు కూడా ఎంపికయ్యాడు. కానీ గాయంతో అతడు పర్యటనకు దూరమయ్యాడు. కాగా, అతడి స్థానంలో జట్టులోకి వచ్చిన నటరాజన్ సత్తాచాటిన విషయం తెలిసిందే.
