తెలంగాణలో స్వల్పంగా పెరిగిన కరోనా కేసులు

దేశ వ్యాప్తంగా, తెలంగాణలోనూ కరోనా కేసుల సంఖ్య తగ్గుముఖం పట్టిన సంగతి తెలిసిందే. గత కొద్దిరోజులుగా తెలంగాణలో 500లోపు లేదా పైగా కొత్త కేసులు నమోదవుతూ వస్తున్నాయ్. అయితే గడిచిన 24 గంటల్లో తెలంగాణలో 627 పాజిటివ్‌ కేసులు నమోదయ్యాయి. దీంతో మొత్తం ఇప్పటి వరకు నమోదైన కేసుల సంఖ్య 2,80,822కి చేరింది.

నిన్న కరోనాతో నలుగురు మృతి చెందారు. దీంతో మృతుల సంఖ్య 1,510కి చేరింది. కరోనాబారి నుంచి నిన్న 721 మంది కోలుకున్నారు. దీంతో ఇప్పటివరకు కోలుకున్న బాధితుల సంఖ్య 2,72,370కి చేరింది. రాష్ట్రంలో ప్రస్తుతం 6,942 యాక్టివ్‌ కేసులు ఉన్నాయని, వారిలో 4,814 మంది హోం ఐసోలేషన్‌లో చికిత్స పొందుతున్నారు.