తెలంగాణలో 574 కేసులు

తెలంగాణలో గడిచిన 24 గంటల్లో కొత్తగా 574 పాజిటివ్‌ కేసులు నమోదయ్యాయి. దీంతో మొత్తం ఇప్పటి వరకు నమోదైన కేసుల సంఖ్య 2,83,556కి చేరింది. నిన్న కరోనాతో ఇద్దరు మృతి చెందారు. దీంతో మృతుల సంఖ్య 1,524కి చేరింది. కరోనాబారి నుంచి నిన్న 384 మంది కోలుకున్నారు. జీహెచ్‌ఎంసీ పరిధిలో కొత్తగా 109 కరోనా కేసులు నమోదయ్యాయి.

మరోవైపు కొత్తరకం కరోనా వైరస్ తెలుగు రాష్ట్రాల్లోకి ఎంట్రీ ఇచ్చిందని చెబుతున్నారు. లండన్ నుంచి వచ్చిన ఓ మహిళ క్వారంటైన్ నుంచి తప్పించుకొని ఏపీ ఎక్స్ ప్రెస్ లో రాజమండ్రి చేరుకుంది. అయితే అమెకు కరోనా పాజిటివ్ గా నిర్థారణ అయింది. దీంతో ఆందోళన మొదలైంది. ఆ మహిళకి సోకింది కొత్తరకం వైరస్ నా ? పాతదేనా ?? అన్నది తెలియాల్సి ఉంది. కొత్తరకం వైరస్ సోకినట్లయితే తెలుగు రాష్ట్రాల్లోకి ఎంట్రీ ఇచ్చినట్టే. అప్పుడు తెలుగు రాష్ట్రాలు మరోసారి లాక్‌డౌన్ కి వెళ్లిన ఆశ్చర్యపోవాల్సిన పనిలేదు.