నాని.. క్లాస్ ఫ్యాక్షనిస్ట్ !

ఫ్యాక్షన్ సినిమాలు, ఫ్యాక్షన్ ఏపీసోడ్ లని టచ్ చేయడానికి మన హీరోలు బాగా ఇష్టపడతారు. దాంతో మాస్ ప్రేక్షకులని ఇట్టే ఆకట్టుకోవచ్చన్నది ప్లాన్. అయితే ఫ్యాక్షనిస్ట్ పాత్రలో హీరోలు ఊర మాస్ గా కనిపిస్తారు. ఇప్పుడీ ట్రెండ్ ని నాచురల్ స్టార్ నాని బ్రేక్ చేసేలా కనిపిస్తున్నాడు. శివ నిర్వాణ దర్శకత్వంలో ఆయన నటిస్తున్న చిత్రం ‘టక్ జగదీష్’. ఈ సినిమాకి సంబంధించిన ఫస్ట్‌లుక్‌ని క్రిస్మస్ కానుకగా విడుదల చేశారు.

ఇందులో చాలా డీసెంట్‌గా టక్ వేసుకొని అన్నం ముందు కూర్చున్న నాని వెనుక నుండి కత్తి తీయడం అందరిలో అంచనాలు పెంచుతుంది. ఇందులో జగదీష్ నాయుడు అనే పాత్రలో నాని కనిపించి సందడి చేయనున్నాడు. టక్ జగదీష్ చిత్రం మంచి ఎమోషన్స్‌తో కూడిన పూర్తి కుటుంబ నాటక చిత్రంగా రూపొందుతుంది. ఇందులో రీతూవర్మ, ఐశ్వర్యరాజేష్ హీరోయిన్లుగా నటిస్తున్నారు. సాహుగారపాటి, హరీష్ పెద్ది నిర్మిస్తున్నారు. తమన్ సంగీతం అందిస్తున్నాడు. ఫస్ట్ లుక్ తో పాటు సినిమా రిలీజ్ డేటుపై క్లారిటీ ఇచ్చారు. వచ్చే యేడాది ఏప్రిల్ సినిమాని ప్రేక్షకుల ముందుకు తీసుకొస్తామని చెప్పారు.