త్రివిక్రమ్’తో రామ్ చరణ్ !
‘ఆర్ఆర్ఆర్’ కథానాయకులిద్దరితోనూ దర్శకుడు త్రివిక్రమ్ సినిమాలు చేయబోతున్నారు. ఇప్పటికే తారక్ తో త్రివిక్రమ్ సినిమా ఫిక్సయిన సంగతి తెలిసిందే. ఆర్ ఆర్ ఆర్ పూర్తవ్వగానే తారక్ త్రివిక్రమ్ తో జోడి కట్టనున్నారు. లెటెస్ట్ న్యూస్ ఏంటంటే.. ? రామ్ చరణ్ తోనూ త్రివిక్రమ్ సినిమా ఉండనుందట. ఇటీవలే త్రివిక్రమ్ చరణ్ కి ఓ కథ చెప్పాడని.. అది ఆయనకి నచ్చిందని తెలుస్తోంది. తారక్ సినిమా పూర్తయ్యేలోపు ఆ లైన్ ని పూర్తి స్క్రిప్ట్ గా మార్చనున్నాడట త్రివిక్రమ్.
ఈలోగా రామ్ చరణ్ జెర్సీ దర్శకుడు గౌతమ్ తిన్ననూరితో ఓ సినిమా చేయనున్నాడని తెలుస్తోంది. ఇది పాన్ ఇండియా సినిమాగా తెరకెక్కనుందని చెబుతున్నారు. ఇదీగాక క్రాక్ దర్శకుడు గోపీచంద్ మలినేని రామ్ చరణ్ కి ఓ కథ వినిపించాడని తెలుస్తోంది. దీనిపై ఇంకా తుది నిర్ణయం తీసుకోవాల్సి ఉంది. ప్రస్తుతం ఆర్ ఆర్ ఆర్ తో బిజీగా ఉన్న చరణ్… ఆచార్య సినిమాలోనూ ఓ కీలక పాత్రలో నటించనున్నారు. ఇందులో సిద్ధ అనే పాత్రలో చరణ్ కనిపిస్తారని. ఆయనది నక్సలైట్ పాత్రని తెలుస్తోంది.
