దటీజ్.. ఎన్టీఆర్ !
తెదేపా యువనేత నారా లోకేష్ ఎన్టీఆర్ ని ఆకాశానికెత్తారు. అలాగాని.. జూనియర్ ఎన్టీఆర్ (తారక్) ని అనుకునేరూ. కాదు.. సీనియర్ ఎన్టీఆర్ ని. ఈరోజు ఎన్ టీఆర్ వర్థింతి సందర్భంగా ట్విట్టర్ వేదికగా లోకేష్ నివళులు అర్పించారు. మహానటుడు, నేత గురించి గొప్పగా రాసుకొచ్చారు.
“సామాన్య రైతుబిడ్డగా పుట్టి వెండితెర దేవుడై వెలిగి మనిషి ఎదగడానికి పట్టుదల, కృషి ఉంటే చాలని నిరూపించారు. అరవై ఏళ్ళ వయసులో రాజకీయాల్లోకి వచ్చి సంచలన విజయాలతో, సంక్షేమ పాలనతో చరిత్ర సృష్టించి ఏదైనా సాధించడానికి వయసుతో పనిలేదని, చిత్తశుద్ధి ఉంటే చాలని నిరూపించారు.. దటీజ్ ఎన్టీఆర్.
మహిళలకు ఆస్తిహక్కు కల్పించినా, బడుగు బలహీన వర్గాలకు పాలనాధికారాలు అప్పచెప్పినా, పేదలకు వినూత్న సంక్షేమ పథకాలు అందించినా సమసమాజ స్థాపనే ఎన్టీఆర్ గారి లక్ష్యం. ఆయన కీర్తిశేషులై 25 ఏళ్ళు అయ్యాయంటే నమ్మశక్యంగా లేదు. ఎన్టీఆర్ వర్ధంతి సందర్భంగా ఆ మానవతావాది ఆశయసాధనకు పునరంకితమవుదాం” అని లోకేష్ రాసుకొచ్చారు.
