వరుణ్ తేజ్ బర్త్ డే.. F3 గిఫ్ట్ !

క్లాస్’గా ఎంట్రీ ఇచ్చాడు మెగా హీరో వరుణ్ తేజ్. ‘ముకుందా’తో హీరోగా ఎంట్రీ ఇచ్చారు. తెలుగు ప్రేక్షకులని ‘ఫిదా’ చేశాడు. ఆ తర్వాత తనలోని అసలుసిసలు మాస్ ని బయటికి చూపించాడు. ‘గద్దలకొండ గణేష్’గా మాస్ ప్రేక్షకులని ఫిదా చేశాడు. నాకు క్లాసు వచ్చు.. ఊరమాసు తెలుసని రుజువు చేశాడు. ఇక ‘ఎఫ్2’తో తనలోని కామెడీ యాంగిల్ ని బయటికి తీశాడు. విక్టరీ వెంకటేష్ తో కలిసి ఫుల్లుగా నవ్వించాడు. తాను ఆల్ రౌండర్ చాలా తక్కువ టైమ్ లో ప్రూవ్ చేసుకున్నాడు. 

ప్రస్తుతం వరుణ్ తేజు రెండు, మూడు సినిమాలతో బిజీగా ఉన్నారు. ఇందులో ఒకటి ఎఫ్ 2 సీక్వెల్ ఎఫ్ 3. మరోసారి నవ్వులు పంచేందుకు వెంకీ, వరుణ్ తేజ్ లు రెడీ అవుతున్నారు. ప్రస్తుతం ఈ సినిమా జెడ్ స్పీడుతో షూటింగ్ జరుపుకుంటోంది. ఫన్ కి నో హాలీడేస్ అంటూ.. ఆదివారాలు కూడా షూటింగ్స్ నిర్వహిస్తున్నారు.

వరుణ్ తేజ్ పుట్టినరోజు కానుకగా తాజాగా ఎఫ్ 3 నుంచి ఆయన పోస్టర్ ఒకటి విడుదల చేసింది చిత్రబృందం. వరుణ్ కు ప్రత్యేకంగా పుట్టినరోజు శుభాకాంక్షలు తెలిపింది. ఇక సాయి కొర్రపాటి దర్శకత్వంలో వరుణ్ తేజ్ నటిస్తున్న సినిమా టైటిల్ , ఫస్ట్ లుక్ ని కూడా విడుదల చేశారు. ‘గని’ అనే టైటిల్ ని పెట్టారు. ఇందులో వరుణ్ తేజ్ బాక్సర్ గా కనిపించనున్నారు. బాక్సింగ్ చేస్తున్న పోస్టర్ ని ఫస్ట్ లుక్ గా వదిలారు. మొత్తానికి.. బర్త్ డే రోజున అభిమానులకి వరుణ్ తేజు డబుల్ ట్రీట్ ఇచ్చారు.