ప్రవీణ్ సత్తారుతో వరుణ్ తేజ్

క్లాస్ గా ఎంట్రీ ఇచ్చి.. మాస్, క్లాస్, ఫ్యామిలీ.. ప్రేక్షకులని మెప్పిస్తున్న మెగా హీరో వరుణ్ తేజ్. ఫిదా, తొలిప్రేమ, గద్దలకొండ గణేష్, ఎఫ్ 2 సినిమాలతో విజయాలు అందుకున్నారు.  ప్రస్తుతం బాక్సింగ్‌ నేపథ్యంలో ‘గని’లో నటిస్తున్న సంగతి తెలిసిందే. కిరణ్‌ కొర్రపాటి దర్శకుడు. దీంతో పాటు ఎఫ్ 3 సినిమాలోనూ నటిస్తున్నారు. ఈ రెండు సినిమాల తర్వాత వరుణ్ తేజ్ చేయబోయే సినిమా కూడా ఖరారైనట్టు సమాచారమ్.

‘చందమామ కథలు’, ‘గరుడవేగ’ తదితర చిత్రాలతో సత్తా చాటిన ప్రవీణ్‌ సత్తారు. ఆయన దర్శకత్వంలో వరుణ్‌ నటించనున్నారని తెలుస్తోంది. ఇటీవల కథ వినిపించగా, ఆయన పచ్చజెండా ఊపినట్టు సమాచారం. త్వరలోనే ఆ చిత్రం పట్టాలెక్కనున్నట్టు తెలుస్తోంది. నాగార్జునతోనూ ఓ చిత్రం చేయబోతున్నారు ప్రవీణ్‌ సత్తారు. మెగా పవర్ స్టార్ రామ్ చరణ్ తోనూ ప్రవీణ్ సత్తారు ఓ సినిమా చేస్తారనే ప్రచారం జరిగింది. పైనల్ గా ఆయన మెగా ప్రిన్స్ తో ఫిక్సయినట్టు తెలుస్తోంది.