పవన్ కోసం బాలీవుడ్ హాట్ బ్యూటీ !
పవర్ స్టార్ పవన్ కల్యాణ్ కు ఒకరు కాదు ఇద్దరు కాదు.. ఏకంగా ఐదారుగురు హీరోయిన్ల అవసరం పడింది. వకీల్ సాబ్ తో ఎంట్రీ ఇస్తున్న పవన్.. క్రిష్, హరీష్ శంకర్, సురేంద రెడ్డి, అయ్యప్పనుమ్ కోషియుమ్ తెలుగు రిమేక్ లో నటించనున్న సంగతి తెలిసిందే. మొత్తంగా ఈ సినిమాల కోసం అరడజను వరకు హీరోయిన్స్ అవసరం. ఒక్క క్రిష్ సినిమాలోనే ఇద్దరు హీరోయిన్స్ ఉండనున్నారు. ఇందులో ఓ హీరోయిన్ గా ఇప్పటికే నిధి అగర్వాల్ ని ఎంపిక చేశారు.
మరో హీరోయిన్ గా బాలీవుడ్ బ్యూటీ జాక్వెలిన్ ఫెర్నాండేజ్ ని తీసుకున్నారని సమాచారమ్. త్వరలోనే ఆమె పేరుని అధికారికంగా ప్రకటిస్తారని తెలుస్తోంది. ఎన్ టీఆర్ ‘రామయ్యా వస్తావయ్యా’ సినిమాలో స్పెషల్ సాంగ్ లో చిందేసింది జాక్వెలిన్. ప్రభాస్ సాహోలోనూ ఓ పాటలో అందాలు ఆరబోసింది. ఇప్పుడు పవన్ సినిమాతో పూర్తిస్థాయి తెలుగు సినిమాలో కనిపించబోతుంది.
