ఢీ సీక్వెల్.. మంచు విష్ణు షాకింగ్ లుక్ !
శ్రీను వైట్ల దర్శకత్వంలో మంచు విష్ణు-జెనీలియా జంటగా నటించిన చిత్రం ‘ఢీ’. 2007లో వచ్చిన ఢీ బ్లాక్ బస్టర్ హిట్ అయింది. ప్రేక్షకులని ఫుల్లుగా నవ్వించింది. సునీల్, బ్రహ్మానందం కామెడీ ఈ సినిమాకు హైలైట్. ఇప్పుడీ.. ఆ మేజిక్ ని రిపీట్ చేసేందుకు శ్రీనువైట్ల-మంచు విష్ణు రెడీ అయ్యారు. ఢీ సీక్వెల్ గా డీ అండ్ డీ (డబుల్ డోస్) తీసుకొస్తున్నారు. ప్రస్తుతం ఈ సినిమా ప్రీ ప్రొడక్షన్ పనులు జరుగుతున్నాయి.
మరోవైపు మంచు విష్ణు ‘డీ అండ్ డీ’ కోసం క‌స‌ర‌త్తులు చేస్తున్నాడు. ప‌ర్‌ఫెక్ట్ లుక్‌లోకి మారేందుకు గంట‌ల త‌ర‌బ‌డి జిమ్‌లో వ్యాయామం చేస్తున్నాడు. ఈ విష‌యాన్ని శ్రీను వైట్ల తెలిపాడు. ‘స్క్రిప్ట్ కోసం మేం కూడా హార్డ్ వ‌ర్క్ చేస్తున్నాం. అతి త్వ‌ర‌లోనే ఈ సినిమాను సెట్స్ పైకి తీసుకెళ‌తాం’ అంటూ శ్రీను వైట్ల స్ప‌ష్టం చేశాడు. ఇక శ్రీనువైట్ల షేర్ చేసిన పిక్ లో మంచు విష్ణు షాకింగ్ లుక్ లో కనిపిస్తున్నాడు. కండలు పెంచి.. భీకరంగా ఉన్నాడు.
ఈ చిత్రానికి మ‌హ‌తి సాగ‌ర్ సంగీతం అందిస్తున్నారు. ఇందులో క‌థానాయిక‌లుగా అను ఎమ్మాన్యుయేల్, ప్రగ్యా జైస్వాల్ క‌థానాయిక‌లుగా న‌టించ‌నున్న‌ట్టు తెలుస్తుంది. తొలి పార్ట్‌లో నటించిన శ్రీహ‌రి, జ‌య‌ప్ర‌కాశ్ రెడ్డి చ‌నిపోగా, వారి పాత్ర‌ల‌కు ఎవ‌రిని ఎంపిక చేస్తారనే దానిపై క్లారిటీ లేదు.
My dear brother @iVishnuManchu , the commitment and hardwork which you are putting in for the perfect look is enormous for D&D (Double Dose) and we are doing the same for the script.Our hard work will pay . Let’s go on floors soon . 👍👍 pic.twitter.com/2Y8Errv4ze
— Sreenu Vaitla (@SreenuVaitla) February 4, 2021
